Niyə təcrid olunursunuz?

Mümkün izolyasiya haqqinda

Niyə siz izolyasiya olunmusunuz?

İzolyasiya, bir şəxsdə yoluxucu xəstəliyin əlamətləri müşahidə edildikdə tətbiq oluna bilər. Bu, infeksiyanın yayılmasının qarşısını almaq və digərlərini qorumaq məqsədi daşıyan əsas ictimai səhiyyə tədbirlərindən biridir.

İzolyasiyanın tətbiqi ilə məqsədimiz?

1. Xəstəliyin yayılmasının qarşısını almaq – bəzi yoluxucu amillər çox sürətlə yayılır, erkən izolyasiya isə yoluxma riskini azaldır.
2. Ətraf mühiti və cəmiyyəti qorumaq – xəstələr özlərini yaxşı hiss etsələr belə, infeksiyanı başqalarına ötürə bilərlər.
3. Müvafiq tibbi yardımın göstərilməsini təmin etmək – izolyasiya xəstəyə vaxtında tibbi yardım göstərilməsinə və sağlamlığının izlənməsinə imkan yaradır.
4. Yoluxma hallarını idarə etmək – operativ cavab və izolyasiya genişmiqyaslı yoluxmaların qarşısını alır.

İzolyasiya nə vaxt vacibdir?

• Əgər sizdə yüksək hərarət, öskürək, əzələ ağrıları kimi qrip əlamətləri varsa.
• Əgər sizdə COVID-19 üçün xarakterik əlamətlər – qızdırma, dad və ya qoxu itməsi, nəfəs darlığı, güclü yorğunluq – müşahidə olunursa.
• Əgər sizdə suvəçiçəyi və ya qızılca kimi hava-damcı yolu ilə sürətlə yayılan xəstəliklər aşkarlanıbsa.
• Əgər sizdə vərəm əlamətləri (davamlı öskürək, gecə tərləməsi, arıqlama) varsa – bu halda xəstəliyin yoluxucu olmadığı təsdiqlənənədək izolyasiya vacibdir.
• Əgər sizdə bağırsaq infeksiyaları (məsələn, salmonellyoz və ya rotavirus) varsa – xəstə nəcis vasitəsilə mikrobları yaymadığı təsdiqlənənədək.

Görülən tədbirlər

• Siz müvəqqəti olaraq digər insanlardan təcrid ediləcəksiniz.
• Həkim sizi müayinə edəcək.
• Həkim vərəmin aşkarlanması üçün sizi rentgen müayinəsinə göndərəcək.

İzolyasiyanın bitməsi o deməkdir ki, yoluxucu xəstəliyə (məsələn, COVID-19, qrip, vərəm, qaşınma və ya digər infeksiya) yoluxmuş şəxs artıq başqaları üçün təhlükə yaratmır.

İzolyasiyanın bitmə vaxtı xəstəliyin növündən asılıdır:

COVID-19 – izolyasiya adətən simptomların başlanmasından və ya pozitiv testdən sonra 5–10 gün davam edir, lakin yalnız şəxs son 24 saat ərzində hərarətsizdirsə və simptomları yaxşılaşırsa.
Qrip və digər tənəffüs infeksiyaları – adətən hərarət ən azı 24 saat ərzində dərmansız normal səviyyəyə düşənə və əsas simptomlar aradan qalxanadək izolyasiya tövsiyə olunur.
Vərəm – izolyasiya müalicə təsirli olana və xəstənin bəlğəmində canlı bakteriyalar qalmayana qədər davam edir (bu, adətən bir neçə həftə çəkir).
Digər infeksiyalar (məsələn, suvəçiçəyi, qızılca, qaşınma) – izolyasiya xəstəliyin gedişinə uyğun olaraq şəxs artıq yoluxdurucu olmadıqda başa çatır.

İzolyasiya cəza deyil. Bu, xəstəni, onun ailə üzvlərini, birgə yaşayan şəxsləri və Mərkəzin əməkdaşlarını qorumağa yönəlmiş məsuliyyətli və vacib ictimai sağlamlıq tədbiridir!